یوخو – احمد مطر
یوخو یؤزوملایانین اؤنونده دایانیب،
دئدیم:
«آقا!
یوخودا گؤردوم
آدام کیمی یاشیرام
چئورهمده اینسان وار
اللریمده یئمک،
سسیم آغزیمدادیر،
یئریییرم آنجاق
آرخامجا
کیمسه منی گودمور»
تیترهرکن باغیردی منه:
حارامدیر اوغلوم!
طالئعی
لاغا قویوبسان
یوخلایاندا
یوخلاگینان اوْغلوم!»
هله اوْنون یانینداکن
قولاقلاریمدان دوتدو
رئژیم بارماقلاری
تیترهدی باشیم
پارچالاندی.
پارتییادان آیریلان
احمد مطر
اؤلکهمیزده هرنهدن چوخ
پارتییالاردیر
و یوْخسوللوق
و طلاق.
هر کوچهده
اوْن و بیر یاریمپارتییا وار
هامیسی بیرلییه جان آتیر
هامیسی هر ساعات بؤلونور
یئنه هر بؤلوم
ایکی پارچا اوْلور
بؤلونن پارتییا،
بیر ده بؤلونور
بیرلیک نامینه!
اوْنلار آلاو کیمی قوْر سپیر
سوْیوق یئریندهکن
سوْنوجدا
اوْد آچماقدان کول قالاجاق یالنیز!
**
آرخاداشلیقلا دوْلوب داشارکن
اؤلکه
آرخاداشلاردان کیمسه
یانیما گلمهییر
اوْنون ایچون، اؤزومدن
بیر پارتییا قوردوم
اؤزوم ده
- بوتون خالق کیمی-
اؤز پارتییامدان آیریلماغیمی
بیلدیردیم.
چئویرن: سید حیدر بیات
|
+| یازیلیب seyid heydər bəyat در یکشنبه هجدهم اسفند 1387 و ساعات 5:20 |
